e terá os teus ollos

O asasino de Víctor Jara

2007-11-21T03:07:00.000Z

Hoxe vin a cara do asasino de Víctor Jara. Lembro os versos de Lluis Llach:

Assassins, assassins de raons, assassins de vides, que mai, que mai no tingueu repòs en cap dels vostres dies i que en la mort us persegueixin les nostres memòries, memòries.

Para iso, en Chile, existe La Funa

E aquí?

q fuerte: la oveja negra

2007-05-01T02:25:00.000+01:00

dalida

2007-05-01T01:49:00.000+01:00

Unha das vantaxes de vivir neste século é poder descubrir que os grandes clásicos da nosa discoteca particular contaron no seu momento con vídeos que fan medrar exponencialmente o seu grao de xenialidade. Un bo exemplo do que digo son os vídeos de Laissez-moi danser, pola súa impresionante coreografía e, sobre todo, por esa maxistral simbiose entre Village People e Parchís que consegue o corpo de baile. Para mostra, dous botóns:

homofobia

2007-05-01T01:27:00.000+01:00

Dillo a Laura

2006-11-05T19:21:00.000Z

Cando xa todos tiñamos a esperanza de que o "Amo a Laura" pasara a mellor vida, aparece unha enésima versión... E aínda que eu me siga quedando coa de "yo chupo tu almeja" hai que recoñecer que esta última contribúe para unha gran labor social: o paro estudantil do 8 de novembro en defensa do ensino en galego.

Unha suxerencia aos autores: gañaría moito se fose tipo karaoke: coa letriña para que puidesemos cantar todos...

En fin, como parece que un o ten que facer todo deixo por aquí o que entendín que era a letra:

Este oito de novembro
non vai haber aulas.
Os estudantes galegos
imos paralas!

Estudar en galego
éncheme de alegría.
É o noso dereito,
ou non o sabías?

Dillo a Laura!
Que paras o oito de novembro!
Dillo a Laura!
Que defendes o ensino en galego!

É o noso dereito e deber,
porque o galego é lingua de lei!

I'm here again

2006-09-04T21:56:00.000+01:00

Xa estou aquí. Vexo con sorpresa que alguén máis lía este blog, hehe, e que mesmo parecía achalo en falta. Bon, sinto non ter contestado, mais estiven de ferias e non levei o computador: semanas e semanas en Internet, quen o ía dicer.

De todas formas que ninguén se asuste: teño que desfacer as malas antes de poñerme ao día, así que até mañá supoño que non postearei nada interesante.

Pois iso, xa estou aquí. Bicos a quen o lea ;)

Andrey Danilko

2006-07-10T04:14:00.000+01:00

Mi ma que cousa tan bonita...

Estrea de QAF

2006-06-30T07:33:00.000+01:00

Hoxe estréase, por fin, Queer as folk. A verdade é que estaba algo mosqueado, e bastante decepcionado, con Cuatroº por isto de poñela os venres ás 00.30 (horario no que puñan o porno cando era Canal plus). Obviamente é un horario pésimo tendo en conta que grande parte do seu público potencial non adoita quedar os venres pola noite, e menos no verán, vendo a tele. Mais como me enterei de que cando remate o mundial o pasarán aos martes, despois de Anatomía de Grey, pois xa se me pasou un pouco o enfado e sigo facéndolles publicidade :)

De todas formas, supoño que seguirei fiel á versión orixinal subtitulada que despois de tanto esforzo baixei do emule. Non por unha cuestión purista, nin porque pense que coa dobraxe se perde o 50% da actuación, senón porque me vén moi ben para aprender inglés: sobre todo ese inglés útil que non che ensinan no instituto nen en Home english, como "Do you like rimming?"

I love Billy Wilder

2006-06-10T18:31:00.000+01:00

Onte estiven a ver "En bandeja de plata" (tradución sen dúbida curiosa de The fortune cookie) . Foi unha boa oportunidade para reafirmarme no meu amor a Billy Wilder, unha paixón nacida hai anos nunha filmoteca mediterránea. Alén de guións redondos, diálogos impresionantes etc etc, onte quedeime cunha escena antolóxica para a miña particular memoria cinematográfica: o momento no que a ex-muller do protagonista fala con el por teléfono e ao fondo vese tras a cortina a silueta dun home duchándose. Impresionante sutileza.

Mais en fin, para saber en que mundo vivemos é interesante reparar na grella cinematográfica que presentaba onte Cuatroº: En prime time, pelicula super cutre de Jacki Chan, de madrugada, obra mestra de Billy Wilder. O peor é que se supón que a primeira ten máis audiencia que a segunda, e peor aínda é que seguramente é certo. Se isto fose pouco, no medio da peli botaban estes anuncios super cutres, longos e repetitivos típicos da madrugada. Tipo sauna belt ou colchón inchable punchinpun. Que con imaxes e guión de tres minutos fan un anuncio de quince a base de repetir o mesmo unha e outra vez, que para a canción do verán está ben, pero para un anuncio...

En fin, que teño ganas de protestar e protesto.

Projecto Mourente

2006-06-05T02:23:00.000+01:00

Unha fin de semana pouco produtiva, reducida a sol, praia, piscina e rapaces guapos, non deu de si máis que para votar polo hit do verán. Unha feliz inicitiva, si señor.

Eu votei por Como os caranguejos, de Projecto Mourente. Sen dúbida a mellor opción polo momento, sobre todo co seu pegadizo inicio: turururu, turururu... Estando Vieiros polo medio, sorprendinme moi gratamente de que non incluísen entre as propostas a hit do verán "Galiza será nación" (que queren, eu sigo traumado polo de Mafumede...), aínda que hai algún tema dentro do concurso que vai por aí...

Porén, do moi recomendábel disco (temos que seguir a lle chamar así?) de Projecto Mourente, que se pode descargar aquí, o tema do que máis gosto é "Mais heteros (que os heterosexuais)". É redondo, á música e ao ritmo únese a súa contundentísima letra queer. Encántame.

A letra vén dicindo así:

MAIS HETEROS (QUE OS HETEROSSEXUAIS).

Quero que construamos a casa de Pin e Pon. Nom repares nos gastos dessa decoraçom. Fim de ano no Rio, páscoa fina em Paris, férias em Santorino, escapada a Berlim. Joguemos aos papás co nosso cão. Traiamos para limpar uma equatoriana ilegal. E que horror essas marginais! Que horror, sempre a protestar! Meu amor, nom somos iguais. Nós somos mais heteros que os heterossexuais. Pluma só para assinarmos cheques no fim do mês. Entendamos só isto: que um só é o que tem. Deixemos o ambiente polos hotéis. Tornemo-nos decentes: somos homes, tenhem-no que ver! E que horror essas marginais! Que horror, sempre a protestar! Meu amor, nom somos iguais. Nós somos mais heteros que os heterossexuais. Sejamos respeitáveis. Para que luitar, se estamos confortáveis? Somos homes, vam-nos aceitar.

Proud

2006-06-02T04:29:00.000+01:00

Sen dúbida unha das grandes cualidades de Queer as folk é a súa banda sonora. Alén de ser boísima, todos os temas (sobre todo na primeira temporada) están moi conectados coa trama da serie, moitos mesmo parecen compostos co guión dese capítulo diante. Curiosamente xusto o contrario que moitos vídeos musicais, onde a letra da canción di unha cousa e o vídeo nos conta outra historia totalmente distinta. E aínda que isto último non vén moito a conto, é unha boa excusa para escoitar Proud, un tema que descubrín cando vin o primeiro episodio de Queer as folk e que me encantou. O que nunca vira é este vídeo promocional da primeira temporada da serie en USA, que usa precisamente este tema musical.

A letra é a seguinte:

Proud

I look into the window of my mind
Reflections of the fears I know I've left behind
I step out of the ordinary
I can feel my soul ascending
I am on my way
Can't stop me now
And you can do the same

What have you done today to make you feel proud?
It's never too late to try
What have you done today to make you feel proud?
You could be so many people
If you make that break for freedom
What have you done today to make you feel proud?

Still so many answers I don't know
Realise that to question is how we grow
So I step out of the ordinary
I can feel my soul ascending
I am on my way
Can't stop me now
And you can do the same

What have you done today to make you feel proud?
It's never too late to try
What have you done today to make you feel proud?
You could be so many people
If you make that break for freedom
What have you done today to make you feel proud?

We need a change
Do it today
I can feel my spirit rising
We need a change
So do it today
'Cause I can see a clear horizon

What have you done today to make you feel proud?
So what have you done today to make you feel proud?
'Cause you could be so many people
If you make that break for freedom
So what have you done today to make you feel proud?
What have you done today to make you feel proud?
What have you done today
You could be so many people?
Just make that break for freedom
So what have you done today to make you feel proud?

Rajoy tamén ve QAF...

2006-06-01T05:27:00.000+01:00

Lembran a campaña electoral de Mariano Rajoy? a laranxa? O cambio de imaxe corporativa do PP? Lembran iso de que o laranxa é o novo azul? Naquel momento xa dixera eu que tirara a idea de Queer as folk
Aquí está, en exclusiva, o documento que o demostra:

Saberao Jiménez Losantos? Será por iso polo que o chama "Maricomplejines"? Por non recoñecer as súas fontes...? Seguiremos investigando.

Curtas na rede: BACK ROOM

2006-05-29T07:40:00.000+01:00

Sen pretender facerlle a competencia á Xunta, deixarei por aquí esta curta de Guillem Morales chamada Back Room. Está moi ben, e véndoa pensei que ao mellor algun día me animo a postear as miñas anécdotas nos cuartos escuros do mundo mundial. Mentres tanto a desfrutar do filme...

Which Back Street Boy is gay?

2006-05-21T09:41:00.000+01:00

Centros Quérote, tomade nota

2006-05-15T01:09:00.000+01:00

Vídeos coma este demostran o importantes e necesarias que son iniciativas como a de quérote. Estaría ben que os responsábeis destes centros tomasen nota para ter coidado coas exemplificacións...

Amo a... La casa azul

2006-05-14T05:13:00.000+01:00

A primeira vez que escoitei o famoso "Amo a Laura" xa me lembraba a La casa azul
e co tempo a sospeita foise confirmando: Guille Milkyway estaba detrás deste novo éxito, co mesmo modus operandi que usara en La casa azul: un grupo inventado, musica pegadiza e uns vídeos chachis protagonizados por uns actores do mais doce e pastel. E mentres el xogaba eu namorábame como un fan...

"Es que había que echarlo, coño"

2006-05-12T10:34:00.000+01:00

Non é que sexa fan de Ferando Ónega, pero hoxe gostei do final do seu artigo:

"Ayer se volvió a revelar una figura que el director de escena del PP nunca manda callar, porque es quien mejor agita y provoca: el diputado señor Martínez Pujalte, un auténtico maestro en las artes de la insolencia. Para él no existe reglamento ni llamadas al orden de la presidencia. No es que tenga razón o deje de tenerla. Es que convierte el hemiciclo en una anarquía. Es que parece un perro de Inglaterra ante la imagen del zorro, quizá disfrazado de ministro. Es que se ha convertido en el repelente niño Vicente que no deja hablar al profesor. Es que es una figura sacada de las crónicas donde el alumno solivianta a toda la clase. Es que había que echarlo, coño. Con el reglamento y las normas de urbanidad, había que echarlo. Y el presidente, Manuel Marín, lo echó. Y se fue por los pasillos mascullando la tragedia de esta España: «En este país no hay democracia». Quizá no. Con esas formas de practicarla, no. Para algunos, la democracia consiste en una cacería."

A min, o que máis graza me fai, a parte da pinta do propio Pujalte que é cómica por natureza, e velo a primeira vez que o chaman á orde. De pé, co brazo apoiado en plan taberna falando cunha amiga mentres o señoriño orador fala, e de cando en cando soltando un berrido en plan "Alonso Dimite!" como quen berra no bar "Árbitro penalti!". Despois tamén mola ver como lle vai cambiando a cara e a que se lle queda cando Marín lle le o regulamento. Tal como di Ónega o típico petardo de clase que todos fomos e/ou sofremos no intituto.

Pero o mellor é podermos medir o grau de afinidade dos medios co goberno en función de como editan e presentan nos informativos o video en cuestión. Nuns só sae o momento da expulsión, noutros a primeira chamada e expulsión, e outros inclúen a segunda chamada onde se lle advirte que se segue igual de petardo vai ter que ir darlle a tabarra ao seu estilista. Todo un exemplo. E o Pujalte en plan neno mimoso-caprichoso-enfadado: que no, que no me voy. no te oigo, rebota rebota y en ti esplota, turururururururuuuu. Jo.

Mel, Linds e Gus

2006-05-11T07:30:00.000+01:00

Dentro da campaña de promoción de Queer as folk da que falei hai uns dias, hoxe deixo esta imaxe creada por JackMcPhe e tirada máis unha vez de Avenida libertad . Por certo, penso que a que puxen o outro día do condón cuatroº tamén é del. Gosto de ambas e difúndoas porque a mensaxe vai moito máis alá do que a promoción dunha serie.

E para os que non coñezan a Melanie e a Lindsay deixo tamén este pequeno vídeo, ainda que contén informacion visual que vai máis alá da primeira tempada, spoilrers vaia:

Porque temos, porque queremos, porque debemos!

2006-05-10T13:00:00.000+01:00

Acabo de ler o mani festo da Mesa co que se convoca unha manifestación o 17 de maio en Santiago de Compostela, ás 12.

A estas alturas xa todos nos decatamos de que o novo goberno non nos vai regalar nada en materia de avances para o galego, se queremos avanzar teremos que seguir na rúa presionando tanto ou máis que co PP. Así de dura é a vida, que máis unha vez nos confirma iso de que grandes esperanzas conducen a grandes frustracións.

Desde aquí quería aportar a miña presiña de area, así que ánimo e agardo atopar alí a un montón de xente. Parece que mesmo hai autobuses para asistir de modo que non valen escusas.

Carga policial en Vigo

2006-05-09T08:09:00.000+01:00

Desde a distancia chéganme ecos do que está a pasar en Vigo. As noticias e imaxes da carga policial son impresionantes, e máis ben propias do talante do señor Fraga (alias "que pasen los antidisturvios") que do famoso TALANTE ZP. Non coñezo ao Delegado do Goberno en Pontevedra pero vai camiño de se converter no novo Diz Guedes.

Desde aqui a nosa solidariedade e apoio aos folguistas do metal en Vigo.

Anuncio Cuatro QAF

2006-05-08T06:56:00.000+01:00

queer as folk

2006-05-07T05:29:00.000+01:00

A xente de Avenida Libertad fai cousas tan bonitas como estas, e son tan boas que mesmo a xente de Cuatroº, a canle que vai emitir a mítica serie Queer as folk (na súa versión norteamericana), ao velas, tiveron a xenial idea de facer unha especie de concurso de ideas para promocionar a serie, como se pode ver aqui . A idea paréceme xenial, e no foro de Avenida Libertad vin cousas ben curiosas, pode que suba algunhas os próximos días.

Por certo, xa vin as cinco primeiras temporadas de QAF e recoméndoas moi vivamente a todas e todos, sobre todo a primeira. Parabéns a Cuatroº por emitila, só espero que o faga nun horario decente (non máis alá das once, vaia).

2006-04-25T02:59:00.000+01:00

Flipo estes días co tema dos tres lugares. Non me vou extender moito no post, pero o que máis me flipa non é a actitude da Junta de Extremadura, que non a estas alturas xa on soprende a ninguén. A min o que máis me flipa é:
1) a actitude de Touriño, como se a cousa non fose con el (e non vai, pois que lle pode preocupar a el o que é galego ou non e onde se fala, se non lle preocupa fomentar o galego en Galiza que lle vai preocupar fomentalo en Cáceres).

2) por extensión a actitude da Secretaría Xeral, en teoría a encargada de velar pola promoción e defensa do galego no exterior.

3) a actitude da RAG, dos departamentos de galego das Universidades e do ILG, por pór tres exemplos dos máis salientábeis.

Con todo isto non quero dicir que teñan que defender nin apoiar a proposta do BNG, nin moito menos, non entro nese terreo. O que non entendo é como hai un debate na prensa no que se nega que en Cáceres se fale galego e toda esta xente o toma como se fose un problema do BNG que non vai con eles.

O que quero dicir é que é unha pena que toda esta xente non saiba diferenciar o que son cuestións políticas meramente partidarias do que é defender publicamente o idioma galego. Non é unha broma nin unha cuestión menor.

O que pasa é que claro, tampouco imos pedirlle á RAG que se posiciome publicamente a favor do idioma galego, porque por moito que uns progres defendan un suposto cambio de postura e un maior compromiso desta institucións nos últimos tempos non fan máis que tentar lavar a cara para xustificarse por entrar nunha institición á que antes (cando non eran membros) criticaban.

economía para iniciados

2006-03-30T23:29:00.000+01:00

Ás veces, para entender os matices que hai detrás de determinadas posturas políticas non hai como recorrer á sabeduría popular (do pobo, enténdase). O outro día escoitei como un paisano lle explicaba a outro por que había deputados do PP que se opuñan a xuntar todo o soldo na nómina e preferían o sistema das dietas:
- É que se lles vai todo na nómina chegan a casa e é a muller a que se fai cargo dos cartos, pero se lles vai parte na nómina e outra en dietas, cos cartos das dietas fan eles o que queren, igual que a túa muller non sabe dos cartos que sacas coas túas chapuzas.
Bon, a sabedoría popular continúa a ser machista, pero é unha explicación a ter en conta...

Evangelion

2006-03-16T20:55:00.000Z

Malia decidir despois dunha semana de atracón televisivo desengancharme da caixa tonta e desfrutar das rúas, terrazas e cafés habituais, teño que recoñecer que non podo prederme unha das poucas cousas decentes (alén de Pepe o Inglés) que bota a TVG. Si, mólame Evangelion, mólame a música, o guión, como esta debuxada e dirixida... o único que non me gusta é a hora á que a emiten, a hora lóxica dentro do Xabarín, pero persoalmente non me vén moi ben. Terei que mercar o DVD? A pena é que seguro non ten a dobraxe en galego...

progres nus

2006-03-04T02:52:00.000Z

Fun ao teatro ver a nova montaxe do CDG. Había certa expectación porque era a primeira desde o cambio de Goberno, e lembroume moito a primeira serie que emitiu a TVG na nova andaina. Por que? Porque ambas recorrían a sacar un tío en bolas para evidenciar que agora somos progres. Polo que podemos deducir que os progres de hoxe en día se caracterizan por non se escandalizaren ante a imaxe dunha pirola ao ar. Polo menos é un avance. Non me entendan mal, eu son un amante dos espidos masculinos, pero espero que o cambio e o país novo que nos prometeran vaia máis alá de poder ver penes a conta dos cartos institucionais.

pláteca-introito

2006-02-03T20:23:00.001Z

Supoño que debería comezar por definirme, por isto de inaugurar o blog. Mais o certo é que non sei facelo, supoño que estou nunha desas encrucilladas identitarias das novelas. Bon, tentarei ser sintético:

Eu de pequeno ía para intelectual do grupo Prisa: pasei a adolescencia escoitando Silvio Rodríguez e lendo literatura hispanoamericana, interiorizando libros como La casa de los espíritus de Isabel Allende. Nun momento do camiño cruzouse na miña vida O crepúsculo e as formigas e a partir de aí acabei facendo playbacks de Malena Gracia nun bar gai de Compostela.

probando probando

2006-01-12T21:08:00.000Z

Hoxe non vou postear nada, simplemente estamos probando